شبو النار
ياخويه شبو النار بخمينا ... وانا عالمشرعة تترجى عيني ... اصيح وماتجيني
سقط منك يابو فاضل علمنا ... وثقب عقب العلم نوحي وحنيني ... اصيح وماتجيني
ياخويه ....
يازينب اللي تحشمين بشيمنا ... تراني امقطعه يساري ويميني ... اصيح وماتجيني
ياخويه ...
اصواب اللي بقلبك ضهدني مثل عامود المنية
لاعضد لاشوف عندي والعتب يصعب عليه
لون عندي شفوف ياختي كنت احامي الفاطمية
تعالي لي وشوفي يازينب راح شوفي
ترى طاحت شفوفي (2)
يازينب والاجل قصر هممنا (2) .. واشد من الأجل سهم اللي بعدني .. اصيح وماتجيني
ياخويه ...
يابو فاضل واخبرك باللي هضمنا (2) .. حريج مخيمك هيج حنيني .. أصيح وماتجيني
ياخويه ....
ياختي تلمين يتامانا وحرمنا (2) ... قضى حق علي تعذريني ... اصيح وماتجيني
ياخويه ....
اشد سهام اللي بجسمك سهمنا (2) والمقدر حجب بينك وبيني .. اصيح وماتجيني
ياخويه ......
للشاعر المرحوم : كاظم منظور الكربلائي