منقول

منقول احس انها كلمة تريح لعصاب في بعض الأحيان بس احياناً اشوف اللي ينقل ينسب الشئ لنفسة
عادي الواحد إذا شاف موضوع مهم او جيد ينقلة للفائدة ولكن اللي مايصلح ان الواحد يخلي الموضوع بسمه
اللي جاب هالسالفة رحت ادور بقوقل قصيدة لي بحطها بالفيس بوك ولا اشوف إلا واحد حاطها لا وبعد
يقول إنه كاتبها من خمس سنوات شال اسمي وحط اسمه وخذ الردود عليه ثلاث صفحات وهو يفتخر
يقول بنافس شاعر المليون لا حول الله ما أدري انا مايحس بالنقص في نفسة لحضة وحدة صار شاعر
ما صار شئ عجبتك القصيدة انقلها بسم صاحبها ذكرت قصة صغيرة ماعليه فيه طالب قال قصيدة للمتنبي
ويقول هو اللي كتبها قال المدرس هذي للمتنبي قال الطالب المتنبي سرقها مني الأستاذ لكن المتنبي مات
قبل 1000 سنه وانت مو موجود قال الطالب هذا اللي خلاه يسرقها مني لأني ماكنت موجود هذا الكلام وانا بعد
ماكنت موجود بنفس المنتدى لكن كنت بشترك بالمنتدى وجيب العيد لكن قلت خله يفرح وادري انه مو مرتاح
لأن مابيقدر يجيب مثلها وخيرته ينفضح نرجع للموضوع اخواني اخواتي من الأمانه ذكر اسم الكاتب ومو عيب
نسأل كم سؤال ولو ان الأسئلة بتضل فارغة او شبه فارغة لكن لحاجة في نفس يعقوب مثل مايقولون
ماهي اسباب تخلي الكثيرين عن التفكير وتجميد عقولهم هل السرعة هي السبب ؟


هل عداد المشاركات هو من اسباب النقل ؟


هل الضهور بمضهر المثقف هو ما يعشقه الكثير ولو تبين عكس ذالك ؟


كيف نستطيع ان نجد أجوبة لهذه الأسئلة من غير ان نكتب لا أو نعم ؟


تحياتي للجميع / شرايد الليل